Влада: Ситуацијата во Прилеп е алармантна, ама ќе се разгледа во петок
Во врска со барањето на прилепскиот градоначалник за воведување карантин во тој град, портпаролот на Владата, Душко Арсовски, денеска рече дека во Прилеп ситуацијата е алармантна и во петок Комисијата за заразни болести ќе го разгледува тоа како проблем.
Можеби ќе ве интересира
– Би требало оттаму да произлезат следните чекори, начините, мерките и што ќе се преземе во Прилеп за да се намали процентот на заразени со ковид-19 – додаде Арсовски, одговарајќи на новинарско прашање на прес-конференцијата во Владата.
Градоначалникот на Прилеп Илија Јованоски денеска побара во Прилеп да се воведе карантин поради влошената ситуација со коронавирусот во градот.