Вкупно 49 нови случаи на Ковид-19, двајца починати во последното деноноќие
Во изминатото деноноќие направени се 586 теста
Изминатите 24 часа се регистрирани 49 нови случаи на Ковид-19, а починал двајца пациенти. Од новозаболените во: Скопје има 13 случаи, во Куманово – 14, Штип – 6, Прилеп -8, Велес-6, Гостивар -1 и Кочани -1, информира Министерството за здравство. Со ова вкупната бројка на дијагностицирани пациенти со Ковид-19 во нашата земја изнесува 760 лица.
Според местото на живеење, досега се регистрирани во:
Скопје – 297
Куманово – 182
Дебар – 49
Штип-27
Прилеп –58
Тетово – 31
Струга – 33
Велес – 24
Битола –8
Охрид –4
Кавадарци – 3
Гостивар –7
Гевглелија – 4
Струмица – 2
Крива Паланка-3
Радовиш – 4
Крушево – 3
Кочани – 20
Пробиштип – 1
Како што соопшти Министерството, има два случаи на починати од Ковид -19 во изминатото деноноќие. На Клиниката за инфективни болести и фебрилни состојби во Скопје почина еден пациент (73) од Прилеп, примен на болнички третман на 1 април, а во Куманово на Клиниката за хематологија почина ново-дијагностициран пациент (76)
Во изминатото деноноќие направени се 586 теста. Преку Институтот за јавно здравје се направени 423, преку Ветеринарен факултет –6, Авицена –15 , Биотек –24 и Фипил Втори (Жан Митрев) –118.
Досега во земјата се направени 7.653 тестирања на Ковид-19.
Во изминатото деноноќие на Клиниката се примени 3 пациенти, а во моментов се хоспитализирани вкупно 68, од кои 15 се на кислородна поддршка и 8 на механичка вентилација.
Во болницата „8 септември“ се примени 8 нови пациенти, а вкупно се хоспитализирани 28 потврдени и сомнителни на коронавирус. Од нив 9 се со потешка клиничка слика, а 6 пациенти се на респираторна машина.
Во болницата во Битола се хоспитализирани вкупно 5 пациенти, еден пациент повремено на кислородна поддршка, а другите стабилни. На домашно лекување преку оваа болница се следат 7 пациенти кои се во добра општа состојба.
Во болницата во Штип се хоспитализирани вкупно 13 пациенти потврдени и сомнителни на коронавирус, а уште 13 се следат на домашно лекување. Освен една пациентка кај која има влошување на состојбата, сите останати пациенти се стабилни.