ВИВАКОМ ВО ТОП 10 НАЈБРЗО РАСТЕЧКИ КОМПАНИИ Компанијата нуди деловни сателитски услуги

Компанијата Виваком, која е дел од Јунајтед Груп во чии рамки работи и компанијата Тотал ТВ во нашата земја, постигна значајна пресвртница освојувајќи место во престижната Топ 10 ранг листа на Светската асоцијација за телепорт (WTA) четврта година по ред. Овa признание се заснова на извонредниот раст на годишниот приход од сателити за деловни клиенти во текот на изминатата година.

Ова извонредно достигнување ја одразува непоколебливата посветеност на Vivacom за стратешка визија која се врти околу инвестиции во производи од највисоко ниво, врвни технологии и проширување на нејзината копнена инфраструктура. Поддржана од регионалната експертиза и поддршка на Јунајтед Груп, вкупната инвестиција на Групацијата во Бугарија треба да достигне 4,8 милијарди лева до 2026 година.

– Да се биде дел од Топ 10 најбрзо растечките глобални компании кои нудат сателитски услуги за бизнисите четири последователни години е значајно признание за Виваком. Тоа потврдува дека нашите континуирани инвестиции во иновации, квалитетни услуги и исклучително висока стручност на нашиот тим и на бугарскиот и на меѓународниот пазар се клучните состојки за нашиот континуиран успех – изјави Викторија Боклаг, извршен директор на Јунајтед Груп.

Некои од најголемите клиенти на Виваком се: Disney, Eutelsat, Viacom, National Geographic Channel, Viasat, Endurosat и Leaf Space заедно со многу други даватели на содржини, телекомуникациски и сателитски оператори.

Пред само еден месец, Виваком и Групацијата Еутелсат објавија дека започнуваат со работа на нивната копнена станица за сателитски комуникации во селото Могила, Стара Загора. Овој објект, еден од само 35-те од ваков вид на глобално ниво, обезбедува проширени комуникациски услуги преку сателити со ниска орбита на Земјата. Копнената инфраструктура на Виваком ја вклучува и најсовремената сателитска станица „Плана“, која може да се пофали со највисока можна сертификација во сателитски услуги – Ниво 4.

Плана служи како една од најнапредните капацитети на глобално ниво приспособена да ги задоволи потребите на деловните клиенти.

Преку своите копнени станици, Виваком емитува над 600 ТВ канали, достигнувајќи милиони домаќинства низ Европа, Африка, Јужна Америка и Азија, вклучително и некои од најоддалечените и предизвикувачки локации, како што се Антарктикот. Континуираната посветеност на Јунајтед Груп за растот на Виваком во сателитската индустрија ја зајакнува позицијата на телекомуникацискиот оператор како лидер и иноватор лидер и иноватор во глобалниот телекомуникациски сектор, нудејќи врвни услуги и решенија за клиентите ширум светот.