📽️ ВИСТИНСКА ВОЈНА НА УЛИЦИТЕ НА ТБИЛИСИ Жестоки судири на полицијата со демонстрантите пред грузискиот парламент

Пред грузискиот парламент во главниот град Тбилиси, и синоќа дојде до судири меѓу полицијата и проевропските демонстранти, кои веќе трета вечер по ред протестираа против одлуката за одложување на расправата за пристапување на земјата кон Европската Унија.

Полицајците во опрема за растурање немири испукала гумени куршуми, солзавец и употребила водени топови за да ги растера демонстрантите кои фрлале запаливи направи“, наведе новинар на АФП, кој видел и пламен од прозорецот на зградата.

– Се плашам, нема да кријам, дека многу луѓе ќе бидат повредени, но не се плашам да стојам овде – изјави Тамар Гелашвили (39) за АФП во близина на зградата на парламентот.

Протести се одржаа и во многу градови во Грузија.

МВР соопшти дека „постапките на некои присутни на протестите станале насилни набргу по нивното започнување“. На секое прекршување, полицијата ќе реагира соодветно и согласно законот, наведоа оттаму.

Двата претходни протести, во четвртокот и петокот, веќе беа растурени со водени топови и солзавец, а полицијата уапси повеќе од сто лица.

 

🇬🇪 Tbilisi: Protesters shot firecrackers at police last night.

They were dispersed after that, the square in front of the parliament was cleared. About 100 people were detained pic.twitter.com/FwA1RIIBhe

— senore_amore (@SenoreAmore) December 1, 2024

Проевропската претседателка на земјата, Саломе Зурабишвили, вчера на брифинг најави дека нема да го прекине својот мандат, што завршува во декември, додека не се организираат нови парламентарни избори. Грузиската претседателка јасно порача дека парламентот нема легитимитет и дека нелегитимен парламент не може да избере нов претседател и затоа нема да има инаугурација.

Зурабишвили на вчерашниот брифинг со новинарите рече дека претседателската канцеларија е единствената преостаната легитимна институција во земјата.

 

🇬🇪⚡— Protests outside the Georgian Parliament in Tbilisi intensify as demonstrators throw fireworks at police amidst calls for closer ties with the EU.#Georgia #Protests #Tbilisi pic.twitter.com/Cv4ihqzZwA

— The Popsicle Protector (@PopsicleProtect) December 1, 2024

Владејачката партија Грузиски сон, обвинета за авторитаризам и проруски тенденции, освои речиси 54 отсто од гласовите на изборите во октомври, за кои опозициските партии тврдат дека биле наместени.

Последните протести беа предизвикани од одлуката на владата, обвинета за проруска и авторитарна пристрасност, да ги одложи разговорите за пристапувањето на оваа кавкаска земја во Европската унија до 2028 година.

Стотици функционери, вклучително и оние од министерствата за надворешни работи, одбрана и образование, како и судии, дадоа заеднички изјави во знак на протест.

Околу 160 грузиски дипломати ја критикуваа одлуката, велејќи дека таа е неуставна, имајќи предвид дека влезот во ЕУ е дефиниран како цел во Уставот на земјата и дека тоа доведе до „меѓународна изолација“.

Многу грузиски амбасадори поднесоа оставки во знак на протест.