ВИСОКИ КАЗНИ ЗА АРГЕНТИНЦИТЕ ЗА ИНЦИДЕНТИТЕ ПО ФИНАЛЕТО НА МУНДИЈАЛОТ Паредес доби суспензија од 10 натпревари
Нахуел Молина доби забрана за настап на 7 натпревари, а Аргентинската федерација ќе треба да плати 250.000 американски долари, одлучи дисциплинската комисија на ФИФА.
Дисциплинската комисија на ФИФА ги изрече казните за репрезентацијата на Аргентина по инцидентите по финалето на Светското фудбалско првенство и поразот од Шпанија со 0:1.
Аргентинската репрезентација и нејзините фудбалери добија високи казни.
Најголема казна доби Леандро Паредес, кој доби суспензија од 10 натпревари, а неговиот соиграч Нахуел Молина доби забрана за настап на 7 натпревари. Тиаго Алмада е казнет со еден натпревар, а помошниот тренер Ајала со 3 натпревари.
Казна има и за шпанскиот репрезентативец Гави, кој доби суспензија од еден натпревар.
Паредес и Молина ќе треба да платат и парични казни во висина од 90.000 американски долари, а Алмада, Ајала и Гави добија парични казни од по 30.000 американски долари.
Суспензиите се однесуваат само за репрезентативни натпревари.
Аргентина ќе мора и два натпревара на домашен терен да игра без присуство на публика, додека Аргентинската федерација ќе треба да плати 250.000 американски долари.