ВИЛИЈАМ И КЕЈТ ЈАВНО РЕАГИРАА НА СКАНДАЛОТ СО ЕПСТИН Принцот и неговата сопруга со поддршка за бројните жртви

Откако почнаа да се појавуваат валканите детали за случајот со Џефри Епстин, во кој тешко се товари и Ендру Маунтбатен-Виндзор, братот на кралот Чарлс, неговиот внук, принцот Вилијам и неговата сопруга Кејт Мидлтон, за првпат се огласија, велејќи дека се „длабоко загрижени“.

Кралскиот пар изјави дека нивните мисли остануваат со жртвите на детскиот предатор и неговата глобална мрежа.
Нивната реакција дојде додека принцот патуваше во Саудиска Арабија во официјална посета на тоа пустинско кралство. Притоа, тие се соочија со долгогодишната ароганција на Ендру Маунтбатен-Виндзор, среде сè повеќе докази за неговото длабоко пријателство со педофилот.

– Можам да потврдам дека принцот и принцезата од Велс се длабоко загрижени од понатамошните откритија. Нивните мисли остануваат со жртвите – изјавил портпаролот на Кенсингтонската палата за новинарите во саудиската престолнина, Ријад.

Овие изјави ја одразуваат поддршката на кралот и кралицата за бројните жртви на плодниот педофил. Чарлс и Камила станаа првите високи членови на кралското семејство кои јавно ја изразија својата поддршка за многуте жени и девојки кои претрпеле ужасна злоупотреба од рацете на Џефри Епстин.

Од друга страна, Ендру никогаш не изразил сочувство за жртвите на злосторствата на неговиот пријател и се вели дека дури и одбил да одобри соопштенија за медиумите кои изразувале дури и најопшта поддршка за жртвите на злоупотреба.

Минатиот октомври, Чарлс и Камила станаа првите високи членови на кралското семејство кои јавно ја изразија својата поддршка за бројните жртви на плодниот педофил.

– Нивните величества сакаат јасно да стават до знаење дека нивните мисли и најдлабоки симпатии биле и ќе останат со жртвите и преживеаните од сите форми на злоупотреба – рекоа кралот и кралицата, кои едвај го принудија принцот Ендру да се откаже од своите кралски титули.

На скандалот се осврна и третиот брат, принцот Едвард, за време на интервјуто со новинари на Самитот на светските влади во Дубаи, кога беше прашан за реакцијата на кралот и кралицата на ова прашање.

Иако почна со тоа што сугерираше дека публиката можеби „воопшто не е заинтересирана“ за темата со оглед на тоа што беа таму за да дискутираат за образовната политика, Едвард потоа рече: „Мислам дека секогаш е исклучително важно да се запамтат жртвите и кои се жртвите во сето ова“.

Поранешната стрина на Вилијам, Сара Фергусон, живеела над своите можности со години благодарение на Епстин.