📷 📽️ ВИКТОРИЈА ОД ДАНСКА Е НОВАТА МИС УНИВЕРЗУМ 2024 Русокосата убавица влезе во историјата на својата земја
Во саботата вечер беше крунисана новата Мис Универзум 2024. Данката Викторија Кјер Теилвиг стана новата најубава жена на светот.
Во саботата вечер беше крунисана новата Мис Универзум 2024. Данката Викторија Кјер Теилвиг стана новата најубава жена на светот.
Викторија влезе во историјата на својата земја како прва Мис Универзум. Во финалето на натпреварот, пет млади дами одговараа на прашања на повеќе теми, вклучително и лидерство и издржливост. На прашањето што би им кажала на оние кои гледаат, Викторија им рекла на гледачите ширум светот: „Продолжете да се борите… Без разлика од каде доаѓате“.
View this post on Instagram
Дваесет и една годишната Викторија доаѓа од Соборг и е танчарка. Викторија е идна адвокатка и претприемачка во индустријата за убавина, поборник за ментално здравје и, како што рекла, заштитничка на животните.
Круната ѝ ја предаде поранешната Мис Универзум, Шејнис Паласиос од Никарагва, која победи на минатогодишниот избор. Инаку, ова е првпат претставничка на Данска да победи на овој избор.
View this post on Instagram
Прва придружничка е Мис Нигерија Чидима Адетшина, втора придружничка е Мис Мексико Марија Фернанда Белтран, а на третото место на придружнички се најде Мис Тајланд Суката Чуангср.
Во главниот град на Мексико оваа година се одржа 73-от избор за Мис Универзум, еден од најпознатите избори за убавина во светот. Во прелиминарниот натпревар, девојки од 125 земји се претставија во национални носии кои привлекоа внимание. Од 130, во големото финале настапија 30 девојки.
View this post on Instagram
Годинава натпреварувањето го одбележа скандалот поврзан со претставничката на Панама, Италија Мора, кој и официјално се повлече од натпреварувањето по темелна проценка на дисциплинската комисија. Се шушкаше дека била исфрлена поради лошото однесување, односно дека Мис Панама не ги почитувала правилата на натпреварувањето и се скарала со својата цимерка од Доминиканската Република, Селине Сантос Фриас, а наводно дошло и до физичка пресметка.