ВИКЕНДОВ СТАБИЛНО ВРЕМЕ Чадор в рака повторно од среда

За време на викендот и во првите два дена од следната недела ќе преовладува стабилно и сончево време со појава на мала до умерена облачност.

Утринските температури ќе бидат пониски, а дневните во постепен пораст, соопшти УХМР.

Нови врнежи се очекуваат во среда кон крајот на денот.

Температурата утре ќе се движи од два до 10 степени наутро, а преку ден ќе достигне максимум 24 степени.

Идната недела најтопло ќе биде во вторник, 27 степени, додека другите денови дневните температури ќе се движат од 16 до 26 степени.