🎥 ВИДЕО ОД ЕПСКОТО БЕГСТВО НА 7 КУЧИЊА ГО ВООДУШЕВИ СВЕТОТ Избегаа од трговецот со месо, патуваа 17 километри на чело со корги и го најдоа патот до дома

Седум кучиња, кои наводно биле украдени за нелегална трговија со кучешко месо во кинескиот град Чилин, направиле неверојатно патување од околу 17 километри, за да се вратат кај своите сопственици – покажувајќи извонредна лојалност и тимски дух.

Според извештаите на локалните медиуми, сите кучиња се соседи од истото село и биле украдени од 3 различни куќи. Наводно, тие успеале да скокнат од кафезот на камионот во движење и да избегаат на автопатот во Чангчуен.

Заедно до целта

Сепак, наместо да бидат разделени во тоа бегство, тие решиле да останат заедно!

Целата приказна брзо стигна до интернет, кога на 13 март, човек со презиме Лу ги снимил кучињата. Видеото, кое брзо стана вирално, ги прикажува животните во интересна формација. Според сите извештаи, малото корги изгледало како водач на чопорот – честопати гледајќи назад за да ги провери другите.

Златниот ретривер одел по работ, како да го чува чопорот. Додека во средината бил повреден германски овчар, кој куцал, додека другите кучиња го опкружувале, усогласувајќи го своето темпо со неговата состојба.

„Тие беа како банда, мали браќа во неволја“

Лу се обидел да ги одведе на безбедно, но кучињата ги игнорирале неговите повици. Подоцна го споделил видеото на Доуин, апелирајќи до локалните власти да интервенираат. И како што видеото станувало сè попопуларно, биле мобилизирани волонтери, па дури и дрон бил користен за да се следат кучињата и да се обезбеди нивно безбедно враќање.

– Изгледаа како банда, мали браќа во неволја – изјави Лу изјави за кинескиот медиум Дејли.

Тие безбедно стигнаа до своите сопственици

До 19 март, волонтерот потврди дека сите седум кучиња биле повторно обединети со своите сопственици од 3 различни домови.

Извештаите сугерираат дека кучињата патувале речиси два дена, поминувајќи повеќе од 17 километри.

China: Heroic corgi leads 7 stolen dogs back home after daring escape from meat truck, travel back 17 kilometers – Watch the viral video pic.twitter.com/KNfOvKc1h9

— NDTV (@ndtv) March 24, 2026

Сопствениците признаа дека им олеснало кога нивните миленици безбедно стигнале дома.

– Среќни сме што се вратија без да завршат на чинијата – рече сопственичката на германскиот овчар и на златниот ретривер.

Друга сопственичка гордо го спомена својот корги, познат по својата интелигенција и способност да го најде патот до дома.

Крадењето кучиња е кривично дело во Кина

Во Кина, крадењето кучиња се третира како кривично дело, со казни во зависност од вредноста на животното.

И покрај ова, случаи на украдени миленици се евидентирани во градови како што се Чангчун, Харбин и Далиан.

Неколку ресторани за кучешко месо сè уште работат во северна Кина, каде што локалното население верува дека јадењето кучешко месо им помага да ги преживеат суровите зими. Сепак, практиката е контроверзна.

Фармите за кучиња се ретки поради високите трошоци за размножување, па затоа скитниците и украдените кучиња се поевтина алтернатива за добавувачите на месо.

Реакции на интернет

Приказната стана вирална, а оригиналното видео собра повеќе од 230 милиони прегледи во Кина.

Многумина изразија олеснување што кучињата избегнале ужасна судбина.

„О, Боже мој, ваквите приказни ви ја враќаат вербата во животот. Овие кучиња поминале низ нешто ужасно и наместо да се распаднат, се држеле заедно, си верувале едни на други и го пронашле патот до дома како мало семејство. И ги води мало корги… Не можам да верувам колку е слатко“, е еден од коментарите.

„Додека луѓето се губат дури и со Гугл мапс, едно корги води 6 свои пријатели 17 километри низ автопатот како да не е ништо. Ние сме навистина инфериорен вид на овој свет“.