ВИДЕОЛОТАРИЈА КАСИНОС АВСТРИЈА ВО 2022 ДОНИРАШЕ 45.657.938 ДЕНАРИ Придонес во спортот, образованието, културата…

Видеолотарија Касинос Австрија како модерна компанија, настојува да одговори на предизвиците и условите со кои се соочува модерното време на бизнисот. Општествената одговорност стана деловен императив и глобална идеја, а општествено одговорната работа и одржлив развој, станаа своевидно светско движење. Нашата компанија настојува да го негува овој тренд. Сакаме да бидеме одговорни кон сите, посебно кон ранливите категории во нашето општество – соопшти компанијата.

Во текот на 2022 година Видеолотарија Касинос Австрија од буџетот одвои фонд за донации во вкупен износ од 45.657.938 денари.

– И оваа година без исклучок, сакавме да дадеме свој придонес во спортот, образованието, културата. За таа цел во текот на оваа година обезбедивме 15.131.003,00 денари за спортисти и спортски клубови, како и 30.526.935,00 денари, средства за донации од јавен интерес.

Оваа година сме горди на нашето партнерство со ФФМ, долгогодишната соработка со автомобилскиот шампион Игор Стефановски Иџе, соработки со Горан Пандев и Кире Лазаров како наши бренд амбасадори, КФСМ, КК Работнички, ФК Шкупи, КБ МАИ ТАИ, РК Вардар“ – нагласуваат од компанијата.

Видеолотарија Касинос Австрија во склоп на своите заложби за општествена одговорност, отпочна со реализација на амбициозниот проект за изградба на повеќенаменски и спортски игралишта низ целата земја.– Во склоп на овој проект, годинава во функција ставивме пет мултифункционални игралишта во Свети Николе, Битола, Гевгелија, Липково и Охрид, како и едно инклузивно детско игралиште во Демир Капија. Со реализација на буџетот за донации, ги реализираме општествено одговорните компаниски цели, значајни за развој и унапредување на животот на граѓаните, кои ќе продолжиме да ги негуваме и надградуваме и во иднина – нагласува Видеолотарија Касинос Австрија.