ВИДЕОЛОТАРИЈА ЈА ПРОДОЛЖИ СТРУЧНАТА СОРАБОТКА ЗА ОДГОВОРНО ИГРАЊЕ ИГРИ НА СРЕЌА Отворени се 3 советувалишта
До 2025 во функција биле ставени три стручни советувалишта во Скопје, Прилеп и во Куманово со своја посебна СОС линија. Годинава веќе се отпочнати и дополнителни активности за нови советувалишта во Прилеп и во Радовиш.
Видеолотарија Касинос Австрија под слоганот „Играј одговорно“ ја продолжи соработката со Здружението на клубови на лекувани зависници во Македонија и нивниот тим составен од стручни лица од областа на психологијата и психијатријата.
– Преку оваа соработка, продолжуваме со реализацијата на нашата примарна цел, едукација и превенција за одговорното играње игри на среќа – велат од Видеолотарија.
Соработката официјално започнала во 2019 година, кога бил формиран првиот СОС тим од ваков вид во земјава, целосно поддржан од Видеолотарија Касинос Австрија. Била активирана и СОС линија 072 809 809 со телефонска поддршка и деск верзија преку е-мејл. До 2025 во функција биле ставени три стручни советувалишта во Скопје, Прилеп и во Куманово со своја посебна СОС линија. Годинава веќе се отпочнати и дополнителни активности за нови советувалишта во Прилеп и во Радовиш.
Во насока на едукација и превенција на јавноста, постојано се реализираат едукативни предавања за учениците низ повеќе факултети и средни училишта во земјава, како и за родителите/старателите од згрижувачки семејства. Дополнително се реализирани и специфицирани трибини поврзани со проблемите кои ги предизвикува прекумерното користење на психоактивните супстанции и игри на среќа.
– И во текот на новата соработка ќе продолжиме со едукација и ќе настојуваме да влијаеме кон зголемувањето на јавната свест за ризикот и опасностите од прекумерно играње игри на среќа – додаваат од Видеолотарија.
Видеолотарија Касинос Австрија како членка на Европската и Светската Асоцијација на лотарии, поседува и сертификат за одговорно приредување игри на среќа, што дополнително укажува на нивната сериозност како општествено одговорна компанија.