(ВИДЕО) ЗЕЛЕНСКИ СЕ ПОЈАВИ КАЈ БАХМУТ Морална поддршка за војниците на линијата на фронтот

Украинскиот претседател Володимир Зеленски  ја посетил линијата на фронтот кај Бахмут на истокот од земјата, пренесе ДПА. По повод Денот на силите за специјални операции, тој им се заблагодари на тамошните војници за нивната посветеност.

Зеленски на социјалните мрежи објави и видео на кое може да се види како се ракува со неколку борци и им доделува награди.

Украинскиот претседател напиша дека бил информиран и од командантите за ситуацијата во најжестокиот дел од фронтот.

Руските трупи го освоија Бахмут пред неколку месеци по тешки борби. Оттогаш, тие го окупираа градот, кој имаше околу 70.000 жители пред почетокот на руската офанзива.

Донеччина. Підрозділи інформаційно-психологічних операцій та Руху опору ССО ЗСУ.

Велика честь привітати вас, потиснути руку. Дякую за вашу роботу – дуже складну, дуже важливу, яку ми високо цінуємо.

З професійним святом вас! З Днем Сил спеціальних операцій! pic.twitter.com/whhn1ygd00

— Володимир Зеленський (@ZelenskyyUa) July 29, 2023

Во текот на својата контраофанзива, украинската армија сега сака да ги ослободи окупираните области.

Зеленски ги пофали украинските сили за специјални операции за учеството во „најкомплексните“ и најризичните операции.

Bakhmut direction, advanced positions of the Special Operations Forces. Today, I am here to congratulate our warriors on their professional day, to honor their strength. I heard a commander’s report, talked with the warriors. Very powerful, very effective. Thank you!

Although I… pic.twitter.com/9NwutI4Krc

— Володимир Зеленський (@ZelenskyyUa) July 29, 2023

Тој навести дека може да се открие повеќе за нивните акции откако ќе заврши војната.

„Сега е невозможно да се каже сè за нивната храброст. Само по војната“, напиша тој на Твитер.

Зеленски  ги опиша специјалните сили како „украинско движење на отпорот со задача да ја уништи руската логистика и да ги саботира окупаторските сили“.