(ВИДЕО) УПС, ТОА НЕ Е АМЕРИКАНСКАТА ХИМНА! Нов гаф на Џо Бајден

Бајден ја стави раката кај срцето, што е вообичаено при изведувањето на химната на САД и дури по подолго време забележа дека, сепак, тоа не е американската химна.

Од плусинфо Објавено 23/06/2023 13:27:53

Претседателот на САД Џозеф Бајден не ја препозна химната на сопствената земја, за време на интонирањето на химните при пречекот на премиерот на Индија Нарендра Моди, кој е во официјална посета на Вашингтон.

На церемонијата на интонирање на химните во Белата Куќа, според протоколот во такви прилики, прво беше интонирана химната на Индија, во чест на гостинот. Притоа збунетиот Бајден ја стави раката кај срцето, што е вообичаено при изведувањето на химната на САД. Дури по подолго време забележа дека, сепак, тоа не е американската химна и брзо ја симна раката, со израз на лицето кој говори дека го сфатил сопствениот гаф. Предоцна, зашто видеото со неговиот пропуст го обиколи интернет и предизвика многу потсмев од публиката, особено американската.

Можеби ќе ве интересира