(ВИДЕО) ОДУШЕВЕНАТА ПУБЛИКА ГО ТРОГНА ЏОНИ ДЕП ДО СОЛЗИ Овациите за него во Кан не запреа цели седум минути!

Холивудската актерска ѕвезда Џони Деп беше обземен од емоции и не можеше да ги скрие солзите откако доби долги овации од публиката по премиерното прикажување на Канскиот филмски фестивал на неговиот нов филм „Жан ду Бери“ (Jeanne du Barry).

За прв пат откако заврши судењето со неговата поранешна сопруга Амбер Херд, Џони Деп се прошета на црвениот тепих пред воодушевените обожаватели. По прикажувањето на филмот, публиката го награди со седумминутен аплауз.

Луѓето станаа и почнаа да му аплаудираат, а Деп едвај ги задржа солзите, наведнувајќи ја главата пред да ја прегрне режисерка на филмот, Францусинката Мајвен Ле Беско.

По судењето кариерата на Деп беше неизвесна, па неговиот камбек-филм предизвика бројни контроверзи. Деп во филмот го игра ликот на францускиот крал Луј XV. кој се вљубил во проститутка.

Директорот на фестивалот Тиери Фремо ја бранеше како слободата на избор својата одлука да го отвори фестивалот со филмот на Деп, која наиде на критики.

– Имам само едно правило во мојот живот: слобода на мисла и слобода на говор и дејствување во законски рамки. Ако има некој на овој свет кој ни најмалку не се интересирал за неговото судење, тоа сум јас. Не знам за што се работи. Ме интересира само Џони Деп како актер – рече директорот на фестивалот.

Johnny Depp tears up as #Cannes2023 showers him with a seven-minute standing ovation at the premiere of ‘Jeanne du Barry.’ pic.twitter.com/RsZjtao8O7

— Ramin Setoodeh (@RaminSetoodeh) May 16, 2023