(ВИДЕО) НИКОЈ НЕ ЗНАЕ ШТО Е ЏИНОВСКИОТ ЦИЛИНДЕР Мистериозен објект исплива на плажа во Австралија

Водата исфрли „мистериозен предмет“ на плажа во Западна Австралија што ги збуни надлежните власти бидејќи никој не знае ни што е, ни од каде е чудниот предмет. Огромниот метален предмет го пронашле локалните жители на плажата Грин Хед, околу 250 километри северно од Перт, објавија австралиските медиуми.

Предметот се третира како опасен, а полицијата ги повика луѓето да не му се приближуваат.

„Сакаме да ја увериме заедницата дека сме активно вклучени во работата со различни државни и федерални агенции за да се утврди потеклото и природата на предметот“, се вели во соопштението на полицијата.

Жителите велат дека објектот е широк 2,5 метри и долг помеѓу 2,5 и 3 метри, објави Австралиската јавна телевизија.

Експертот за авијација Џефри Томас вели дека објектот најверојатно бил резервоар за гориво од проектил што паднал во Индискиот Океан во текот на изминатата година. Австралиската вселенска агенција соопшти дека е можно џиновскиот цилиндар да паднал од „страната на вселенската ракета“ и дека ќе се поврзе со други меѓународни агенции за да се идентификува предметот што исплива на австралиската плажа.

A giant mysterious metal cylinder has left locals stumped after the debris appeared suddenly on the shoreline of WA’s Midwest.

The huge metal object was found on a beach near Green Head on Sunday, with local residents reporting the suspicious item to police.

The item is… pic.twitter.com/XzUhAGznna

— 10 News First Perth (@10NewsFirstPER) July 17, 2023