(ВИДЕО) НЕСЕКОЈДНЕВНА ГЛЕТКА ВО ОХРИД Туристите уживаа во летот на јатото фламинга над Охридско Езеро
Фламингата се хранат со одредени видови планктон и на езерата слетуваат само по храна. Не се забележани појави на нивно гнездење во овие краеви.
Големо јато на фламинго вчера беше забележано на крајбрежјето на Охридското езеро.
Туристите можеа да уживаат во оваа посебна глетка која е несекојдневна особено во нашата земја.
Фламингата беа во голем број, а дали „залутале“ или пак новиот дом го пронашле токму во Охрид засега останува нејасно.
Инаку ова не е првпат да се појават фламинго во Македонија, пред две години во Преспа исто така беа забележани розови фламинга во Преспанското езеро.
Фламингата се хранат со одредени видови планктон и на езерата слетуваат само по храна. Не се забележани појави на нивно гнездење во овие краеви.
Некои видови фламинга се преселници и можат да се забележат и во делови посеверно од нивниот вообичаен хабитат, но тоа се ретки појави како и ова нивно присуство на Охридското Езеро. Фламингата населуваат мочуришни предели и плитки морски крајбрежни лагуни.
Големо јато на фламинго лета низ Охридското езеро pic.twitter.com/AlmKlh7DYs
— Курир (@KurirMK) April 16, 2023