(ВИДЕО) МОСКВА И КИЕВ СИ РАЗМЕНИЈА НАПАДИ СО ДРОНОВИ Има загинати и повредени, горат згради и се евакуираат станарите

Русија и Украина утрово си разменија напади на главните градови на двете држави.

Напад со дронови на Москва предизвика минимална штета на неколку згради, изјави утрово градоначалникот Сергеј Собјанин, додавајќи дека нема сериозно повредени.

– Итните служби се на местото на инцидентите – изјави Собјанин, пренесоа руските медиуми.

Руската агенција РИА објви дека неколку згради во Москва се евакуираат.

Медиумите објавија и дека најмалку 10 дронови се соборени додека се движеле кон Москва.

Во раните утрински часови руските сили извршија напад на Киев во кој загина најмалку едно лице, 4 лица се повредени.

Според информациите од тамошните медиуми , украинските сили за противвоздушна одбрана уништија повеќе од 20 беспилотни летала во воздушните напади кои Русија ги изврши врз Киев.

Нарекувајќи го „масовен“ напад извршен во неколку бранови, шефот на воената администрација на Киев, Сергеј Попко, на Телеграм соопшти дека Русија го извршила нападот користејќи само дронови Шахед од иранско производство.

Тоа беше трет напад врз главниот град на Украина во последните 24 часа. Не е познато колку вкупно дронови лансирала Русија.

#UkraineWar #Ukraine #Russia
In #Kyiv in the #Goloseevsky district, a multi-story building is on fire after being hit by debris. Residents are being evacuated. There is one victim
📷 KMVA pic.twitter.com/WkLrjsl5Cq

— 🛰️ War in Ukraine 🍉 (@EUFreeCitizen) May 30, 2023