(ВИДЕО) ЛУКАШЕНКО СЕ ПОЈАВИ AMA СО ЗАВОЈ НА ДЛАНКАТА И ЗАРИПНАТ ГЛАС Шпекулациите за здравјето на претседателот не стивнуваат

Фотографија од белорускиот претседател кој посети воен команден центар ги разби гласините за неговото можно нарушено здравје. Но, не целосно. Откако се проширија гласините дека 68-годишниот Александар Лукашенко бил хоспитализиран на новата снимка тој има зарипнат глас и му е преврзана левата дланка.

Според каналот „Пул Первого“ на Телеграм, Лукашенко работел во централна командна база на воздухопловните сили. Веста ја пренесоа белоруските државни медиуми.

Антон Герашченко, познатиот политички коментатор на војната во Украина, на твитер сподели видео од истиот канал каде што покрај завојот и зарипнатиот глас вели дека Лукашенко личел како да носи шминка.

Amid rumors of his declining health, Lukashenko decided to appear in public.

He reinforced suspicions with this video as he spoke with obvious difficulty and looked like he was wearing makeup. pic.twitter.com/FWiKNJ8UAE

— Anton Gerashchenko (@Gerashchenko_en) May 15, 2023

Лукашенко не се појави во јавноста цела недела по парадата во Москва за 9 мај, Денот на победата, каде тој пропушти ручек со рускиот колега Владимир Путин. Меѓу другото, парадата беше мета на контроверзии бидејќи говорот на Путин беше многу краток и имаше само еден тенк меѓу возилата кои продефилираа.,

Белоруската опозициска лидерка во егзил Свјатлана Циханускаја им порача на своите поддржувачи да бидат подготвени за „секое сценарио“ како одговор на растечките гласини околу здравјето на Лукашенко.

Лукашенко владее со Белорусија од 1994 година.