ВИДЕО кое ќе ве насмее до солзи: Судско рочиште преку „Zoom“ се претвори во комедија

Адвокат го користел компјутерот на својата секретарка и кога се придружил на судското рочиште преку „Zoom“, му се вклучил филтер кој не знаел како да го исклучи.

Судското рочиште одржано во округот Пресидио, Тексас, по пат на „Zoom“ стана вистински хит на интернет откако еден од адвокатите, Род Понтон, не успеал да го исклучи филтерот кој го прикажувал како мачка.

Видеото од сослушувањето кое трае помалку од минута е урнебесна комедија од секунда во секунда.

„Господине Понтон, мислам дека вашиот филтер е вклучен“, вели судијата Рој Фергусон на почетокот.

„Хмм, да. Ме слушате ли?“, одговара Понтон, а истовремено лицето на малата мачка во долниот десен агол навистина изгледа како да се срами.

Другиот адвокат, Гибс Бауер, ги става очилата и се наведнува кон екранот да проучи што се случува.

Не знам како да го тргнам. Секретарката е тука и се обидува“, продолжил Понтон, предлагајќи сослушањето да продолжи.

„Спремен сум да продолжам. Тука сум во живо, не сум мачка“, а на тоа судијата одговара со: „Сфаќам“.

Адвокатот не ни знаел дека станал хит на интернет, откако по еден час од сослушувањето започнале да го контактираат новинари. Имено, снимката е објавена на Јутјуб каналот на судот и самиот судија ја објавил и на Твитер.

„Ако успеав да ги насмеам луѓето во овие тешки времиња, мило ми е, барем на моја сметка“, изјавил Понтон за „New York Times“.

IMPORTANT ZOOM TIP: If a child used your computer, before you join a virtual hearing check the Zoom Video Options to be sure filters are off. This kitten just made a formal announcement on a case in the 394th (sound on). #lawtwitter #OhNo @zoom_ushttps://t.co/I0zaj0wu6K

— Judge Roy Ferguson (@JudgeFergusonTX) February 9, 2021