(ВИДЕО) ИЗЛЕГОЛ ОД АВТОМОБИЛОТ ЗАЕДНО СО ЌЕРКА МУ И СЕ ПРЕДАЛ Заврши заложничката драма на аеродромот во Хамбург
Заложничката кризата почна синоќа во 20.24 часот кога маж со автомобил „ауди“ влетал на пистата пред авионот, пукал во воздух и фрлил два молотови коктели, додека ја држел ќерка си во возилото.
Хамбуршката полиција објави „крај на заложничката криза“ на аеродромот во Хамбург.
По 18 часа 35-годишниот маж, турски државјанин, кој од синоќа ја држеше својата четиригодишна ќерка во автомобилот со кој излетал на пистата, поладнево се предал.
– Осомничениот излезе од автомобилот со ќерката. Тој не давал отпор при апсењето. Детето изгледа неповредено – изјавила портпаролката на полицијата Сандра Левгрин.
Заложничката кризата почна синоќа во 20.24 часот кога маж со автомобил „ауди“ влетал на пистата пред авионот, пукал во воздух и фрлил два молотови коктели, додека ја држел ќерка си во возилото.
Локалниот весник „Хамбургер морген пост“ утринава објави дека преговорите на барање на киднаперот се водат на турски јазик со помош на преведувач, а други медиуми објавија дека таткото сака да лета за Турција со својата ќерка.
Полициски хеликоптери цело време го прелетувале аеродромот и ја проверувале ситуацијата, а киднаперот во еден момент го оддалечил автомобилот на неколку метри. Според непотврдени информации, мажот имал експлозив со себе.
BREAKING: Hamburg police say the hostage situation at Hamburg Airport is now over, after the suspect was arrested without resistance
Read more: https://t.co/fNmZDYwAsm
📺 Sky 501, Virgin 602, Freeview 233 and YouTube pic.twitter.com/c7B3NKe8Xa
— Sky News (@SkyNews) November 5, 2023