(ВИДЕО И ФОТО) ДОДЕКА КРАДЕЛЕ ЦИТОСТАТИЦИ, ОД ФОНДАЦИЈАТА НА ЗАЕВИ ДОБИВАЛЕ ПЕРИКИ?! Криминалот на Онкологија не бил можен без силна политичка поддршка

Утре во 18 часот пред Владата ќе се одржи протест од кој ќе се побара не само кривична, туку и политичка одговорност за скандалот кон ја згрози јавноста и докрај ја наруши довербата на пациентите во здравствениот систем.

Од плусинфо Објавено 03/09/2023 16:21:03

Откако во петокот МВР влезе на Клиниката за онкологија во рамки на предистрагата за скандалот со цитостатици и со начинот на лекување на онколошките пациенти, не стивнува згрозеноста и жестокиот револт кои граѓаните ги искажуваат на социјалните мрежи.

Според досегашните сознанија на медиумите и на семејства чии блиски биле пациенти на Клиниката, постојат сериозни индиции дека станува збор за грозоморен криминал.

„Две години предупредувавме, имаше сознанија, постоеја јавни укажувања, повеќе од шест месеци објавуваа медиуми- власта молчешкум бегаше од темата, системот за правда се правеше глув. Повеќе од две години, власта молкум дозволила трговија со цитостатици набавени со народни пари, на сметка на човечки животи“, реагира ВМРО-ДПМНЕ и бара одговорност од сите вмешани во монструозната шема.

Граѓани споделуваат фотографии и видеа од настани на кои се гледа како поранешниот директор на Клиниката за онкологија, доктор Нино Васев, кој беше поставен на функцијата од министерот Венко Филипче кога премиер беше Зоран Заев, во периодот за кој постои сомнеж дека се случувале овие скандали, учествувал на трибини на Форумот на жени на СДСМ.

Можеби ќе ве интересира

ВАСЕВ И НУХИ ОДАТ ВО КУЌЕН ПРИТВОР Судот го одби барањето…

плусинфо 23/05/2025

ОНКОЛОГИЈА ФУНКЦИОНИРА НОРМАЛНО, ТВРДИ ДИРЕКТОРКАТА…

МИА 30/01/2024

Според видеото, во време на оваа гарнитура, директорот Васев добивал обилна поддршка од фондацијата Заев „Едно општество за сите“, која на Клиниката за онкологија донирала перики за тешко болни пациентки кои биле на хемотерапија.

Економскиот директор на Онкологија, Нехат Ниху, за кој постојат засега само непотврдени информации дека креирал списоци со лажно болни пациенти од канцер, меѓу кои и негови роднини, наоѓајќи начин преку тоа да ја препродава онколошката терапија, бил чест гостин во кабинетот на лидерот на ДУИ, Али Ахмети, а својата блискост ја покажувал и преку фотографии кои сам ги објавувал.

Додека опозицијата обвинува дека со години се толерирало, како што наведува, организирано масовно убиство, премиерот Димитар Ковачевски бара одговорност за виновниците. потенцирајќи дека не треба да се создава атмосфера за колективна осуда на медицинскиот кадар.

Вчера обвинителство преку соопштение информираше дека освен што биле одземени компјутери и документи од Клиниката за инкологија во рамки на предистрага, туку имало претрес и во два стана.

Утре во 18 часот пред Владата ќе се одржи протест од кој ќе се побара не само кривична, туку и политичка одговорност за скандалот кон ја згрози јавноста и докрај ја наруши довербата на пациентите во здравствениот систем.