(ВИДЕО) ЌЕ БИДЕТЕ ЗБРИШАНИ АКО ЈА НАПАДНЕТЕ ПОЛСКА Стотици тенкови парадираа во Варшава како одговор на ширењето на „Вагнер“ во Белорусија
Неколку илјади војници на групата Вагнер во Белорусија ќе бидат збришани за само неколку часа доколку се обидат да ги нападнат Полска и јазот Сувалки, објави на Твитер каналот Вишеград24.
Стотици тенкови пред два дена парадираа во Варшава во најголемата парада во земјата од Студената војна, а аналитичарите пишуваат дека парадата доаѓа токму во очи на распоредувањето на неколку илјади војници на руските платеници „Вагнер“ во Белорусија. Полска ѝ одговара на Русија со парада, но и со распоредување 10.000 војници на исток, заедно со 15.000 припадници на граничната стража кои ќе обезбедуваат сѐ додека не се постави ограда висока 5 ипол метри.
Каналот Вишеград24 на Твитер објави:
„Полска ги изнесе своите нови јужнокорејски тенкови „К2 Црн Пантер“ на улиците на Варшава. Неколку илјади војници на групата Вагнер во Белорусија ќе бидат збришани за само неколку часа доколку се обидат да ги нападнат Полска и јазот Сувалки“.
Јазот Сувалки, коридор долг само стотина километри е четиримеѓе меѓу Полска, Литванија, Белорусија и Калиниград – руска територија во срцето на Европа. Евентуалниот конфликт во овој регион би можел да предизвика нов конфликт на континентот.
Според Ројтерс, во Варшава парадираа околу 200 копнени возила, 92 воздухоплови и 2.000 војници. Полскиот министер за одбрана Мариуш Блашчак им рече на присутните во толпата дека „ние изградивме моќни вооружени сили кои ефикасно ќе ги бранат нашите граници без двоумење“.
Блашчак рече дека и 6.000 војници ќе претставуваат резерва за чување на границата со Русија.
Russia is trying to scare Poland by placing a couple thousand Wagner troops in Belarus.
Meanwhile, this is how the streets of Warsaw looked like last night.
The Polish Army would crush any Wagner incursion within a few hours and Lukashenko knows it.
— Visegrád 24 (@visegrad24) August 13, 2023
‼️ Polish-Belarusian border tensions: A large group of Polish soldiers engaged in intensive training along the border with Belarus after recent threats by the Wagner group in the border region.
Note: Poland deployed 10,000 additional troops to the border, along with Abrams MBT… pic.twitter.com/Y5TV4t3Tbw
— {Matt} $XRPatriot (@matttttt187) August 15, 2023
Во меѓувреме, „Вагнер“ се регистрираа во белорускиот регион Могилев и тоа како „образовна организација“. Минатиот месец во истиот регион беше регистрирана фирмата „Конкорд менаџмент и консалтинг“, чии активности се поврзани со управување со недвижности, а која е во сопственост на компанија со исто име како друга во сопственост на Евгениј Пригожин, основачот, сопственикот и лидерот на „Вагнер“.
Снимките на „Планет Лабс“ покажуваат дека шаторите се намножуваат во кампот каде „Вагнер“ се сместија. Еден руски новинар прогнозираше дека Пригожин ќе биде мртов за пет месеци од сега.
Poland holds the largest in decades Polish Army Day parade featuring US-made Abrams tanks, HIMARS mobile artillery systems, Patriot missile systems, as well as South Korean fighter jets and howitzers pic.twitter.com/p7gpV8dUt1
— RT (@RT_com) August 16, 2023
Poland has brought out its new South Korean K2 Black Panther tanks on to the streets of Warsaw.
The couple of thousand Wagner Group soldiers in Belarus would get obliterated in just a few hours if they would try to attack Poland and the Suwalki Gap.
— Visegrád 24 (@visegrad24) August 14, 2023
Полските власти уапсија двајца Руси и ги обвинија за шпионажа. Тие наводно дистрибуирале пропаганден материјал во име на руската платеничка група Вагнер. Полска неодамна и официјално ја прогласи Русија за непријателска земја.
Литванија вчера затвори два гранични премини со Белорусија.