(ВИДЕО) БАХМУТ КАКО ПОСЛЕ АТОМСКАТА БОМБА ВО НАГАСАКИ Колку луѓе се жртви на најголемата битка по руската инвазија на Украина?

Битката за Бахмут, според руските власти, завршила со победа на платениците на Вагнер. Украинската страна и натаму тврди дека целиот град не е под руска контрола и дека борбите се уште траат.

Но, што остана од Бахмут, град кој некогаш имаше 70.000 жители?

Прав и пепел. Сателитските фотографии на Бахмут од 15 мај покажуваат изгорени згради.

Судејќи според најновите фотографии направени од сателити и од дронови, градот е претворен во урнатини, пепел и чад. Борбите продолжуваат Бахмут, а руските сили продолжуваат со офанзивните акции, соопштиле украинските сили, пренесува Гардијан.

Русија исто така извршила и воздушни напади врз Бахмут. Гардијан сепак додава дека не е во состојба да ги потврди спротивставените изјави од украинската и од руската страна за Бахмут.

Вагнеровци исцрпени?

Платеничката група Вагнер на рускиот бизнисмен Евгениј Пригожин е ослабена во битките за Бахмут, тврдат западни аналитичари. Платениците сега се речиси неспособни за нови напади надвор од градот, поради голема исцрпеност, соопшти американскиот Институт за проучување на војната во Вашингтон.

Пригожин прогласи целосно заземање на Бахмут за време на викендот и најави дека борците ќе се повлечат од градот и ќе го предадат на официјалните руски сили на 25 мај. Но, украинската армија тврди дека повлекувањето на борците на групата Вагнер нема да биде лесно, бидејќи украинските сили околу Бахмут би можеле да ги опколат. Крвавите борби во Бахмут траат од крајот на летото.

Лидерот на руската приватна паравоена организација Вагнер, Евгениј Пригожин, најпрвин во саботата објави дека руските сили презеле целосна контрола над Бахмут.

Зеленски во Хирошима

Во својот говор на самитот на Г7 во Хирошима, Јапонија, украинскиот претседател Володимир Зеленски рече дека Бахмут не е окупиран од Русија и го повика светот да се обедини против војната.

– Нашиот херојски народ ја врти историјата за да можеме самата војна да ја направиме сенка. Верувам дека војната нема место во светот. Човештвото измина долг пат и изгуби многу животи во крвави конфликти – рече тој.

Одговарајќи на прашања на новинарите, Зеленски рече дека Бахмут не е заробен од Русија и дека украинските војници остануваат во градот, но не може да даде јасни информации.

– Се бориме благодарение на храброста на нашиот народ, нашите воини. Јасно разбирам што се случи во Бахмут. Не можам да ги споделам со вас тактичките ставови на нашата армија. Бахмут од денеска не е окупиран од Русија. Нема две или три толкувања на тие зборови. Ова е целосно уништен простор, ништо не остана, не остана ниту еден човек. Денес е трагедија, но во иднина ќе има реконструкција и закрепнување – – рекол украинскиот претседател, пренесува Гардијан.

Пригожин ја заврши работата

Во изминатите 24 часа, руската офанзива околу Бахмут не стивнува, вклучително и воздушните напади врз градот и селото Иванивск на неговите западни приоди, се вели во соопштението на Генералштабот на вооружените сили на Украина, пренесува Ројтерс.

Водачот на групата Вагнер, Евгениј Пригожин, во аудио порака на Телеграм рече дека работата на неговата група е завршена и дека неговите сили ќе ја напуштат зоната на конфликтот за неколку дена.

– Вагнер денеска не зазеде никаква територија. Ја зазедовме целата територија што ветивме дека ќе ја преземеме, до последниот сантиметар. Како што изјавивме вчера. Ние ги предаваме нашите позиции на (руското) Министерство за одбрана и на 25 мај ја напуштаме зоната на конфликтот – рече Пригожин.

Зошто Бахмут се споредува со Нагасаки?

Според воените аналитичари, Бахмут нема стратешка вредност, иако Москва рече дека неговото заземање ќе биде отскочна штица за напредување подлабоко во индустрискиот регион Донбас, за кој тврди дека го анектираше од Украина.

Постојат многу шпекулации за бројот на жртви во бахмутската „мјасорубка“ (машина за мелење месо). Според некои извори, станува збор за 70.000 жртви, директни и индиректни, на битката за Бахмут. Толку луѓе загинаа во атомската експлозија во Нагасаки, при што во првите неколку дена по експлозијата – 40.000 луѓе.

Stunning satellite images captured by @Maxar reveal the sheer magnitude of devastation in parts of Bakhmut over the past year. Compare how green and lush the city was last May (L) and its current state (R). No trees and a brown/reddish rubble covers the entire area. pic.twitter.com/8YWRqEotqF

— Gianluca Mezzofiore (@GianlucaMezzo) May 17, 2023

Extensive destruction in Bakhmut is visible in new satellite imagery from @Maxar.

These images show what areas of the city looked a year ago, and how they appear today. This area is in the western part of the city (48.592, 37.965). pic.twitter.com/b9qXiKba41

— Brady Africk (@bradyafr) May 17, 2023