ЅВЕЗДАТА НА „МАМА МИА“ СЕ КАЕ ШТО СЕ СОБЛЕКЛА НА ФИЛМ Имала само 19 години, се плашела од отказ

Холивудската актерка Аманда Сејфрид (36), откри дека сега жали што како млада актерка на почетокот на нејзината кариера, не одолеала на притисокот да се соблече пред камерите.

– Имам 19 години, шетам без долна облека. Како дозволив да се случи ова? Знам зошто. Имав 19 години и не сакав никого да налутам и само сакав да ја задржам работата – изјавила Аманда во разговорот за „Портер“.

Сејфрид ја започна својата кариера во сапунски опери појавувајќи се во „As The World Turns“ и „All My Children“ во раните 2000-ти, а се прослави во 2004 година со „Mean Girls“, по што нејзината кариера вртоглаво порасна. Сејфрид е, исто така, ѕвезда на филмовите „Мама миа“ и „Les Misérables“.

Актерката со сопругот Томас Садоски, со кој се омажи во март 2017 година, ги има петгодишната ќерка Нина и двегодишниот син Томас и е многу активна на социјалните мрежи каде споделува бројни семејни фотографии и моменти од нејзиниот приватен живот.