„ВЕТИВМЕ И ИСПОЛНИВМЕ“ За првпат пратениците од ДУИ гласаа без можност да уценуваат, рече Митева
Покажавме силен капацитет во Собранието, покажавме дека ВМРО-ДПМНЕ умее да води конструктивен политички дијалог за обезбедување на 2/3 мнозинство низ предлози кои решаваат системски и важни прашања за нашите граѓани, изјави пратеничката Марија Митева.
Портпаролката на ВМРО-ДПМНЕ и пратеничка Марија Митева денеска на прес-конференција рече дека со изгласувањето на Законот за реорганизација на државната управа е направен првиот чекор кон комплетна ефикасност, рационализација и транспаретност на институциите во државата.
Законските измени, како што посочи таа, биле работени и со претставници на ЕУ и истите се дел од ИПА програмата.
– Покажавме силен капацитет во Собранието, покажавме дека ВМРО-ДПМНЕ умее да води конструктивен политички дијалог за обезбедување на 2/3 мнозинство низ предлози кои решаваат системски и важни прашања за нашите граѓани. За првпат по долги години, парламентарното мнозинство, предлага закон за структурни реформи, кој во својата суштина е развоен и трансформативен, со што не се остави простор за негово проблематизирање на ниту една партија која нема задни намери истиот да не го поддржи – рече Митева.
За првпат, според Митева, и претставниците на ДУИ гласале без можност да условуваат, затоа што законските измени се реформски и транспарентни.
Митева најави дека сите законски измени и систематски промени ќе бидат работени низ јасна процедура, со јасен и недвосмислен законски наратив, кој нема да остави простор за проблематизирање и блокирање од било кого.