ВЕШТАЧКАТА ИНТЕЛИГЕНЦИЈА МОЖЕ ДА ПРЕДИЗВИКА СУДИРИ Еве каква опасност постои
Во поткастот „Дневник на еден извршен директор“ („The Diary of a CEO“), Далио изјави дека еден до десет проценти од најбогатите ќе имаат пристап до најнапредните технологии, што може да создаде сериозни општествени предизвици.
Познатиот американски инвеститор Реј Далио предупреди дека развојот на вештачката интелигенција (ВИ) може драматично да ја зголеми економската нееднаквост, што ќе бара нови политики за прераспределба на богатството.
Во поткастот „Дневник на еден извршен директор“ („The Diary of a CEO“), тој изјави дека еден до десет проценти од најбогатите ќе имаат пристап до најнапредните технологии, што може да создаде сериозни општествени предизвици.
Според него, хуманоидните роботи и системите на ВИ ќе направат многу сегашни професии да станат застарени, вклучително и правниците, сметководителите и медицинските експерти.
– Овој технолошки скок е ветувачки, но носи потенцијал за големи судири – предупреди Далио, основач на инвестициската компанија „Бриџвотер Асошиејтс“.
Тој нагласи дека бројот на работни места веќе се намалува поради автоматизацијата и развојот на вештачката интелигенција, при што дури и интелектуалните работи може целосно да бидат заменети.