ВЕНЕЦУЕЛА ГИ ЗАРАБОТИ ПРВИТЕ 300 МИЛИОНИ ДОЛАРИ ОД НАФТА Земјата го менува и законот за нафта
Според привремената претседателка на Венецуела, првите средства ќе бидат искористени преку девизниот пазар на Венецуела, преку националните банки и централната банка, за консолидирање и стабилизирање на пазарот и заштита на приходите и куповната моќ на работниците.
Привремената претседателка на Венецуела, Делси Родригез изјави дека земјата заработила 300 милиони долари од продажба на нафта, што е прв приход од договорот за снабдување со нафта од 50 милиони барели со САД по апсењето на соборениот претседател Николас Мадуро.
Според Родригез, првите средства ќе бидат искористени преку девизниот пазар на Венецуела, преку националните банки и централната банка, за консолидирање и стабилизирање на пазарот и заштита на приходите и куповната моќ на работниците.
Истиот ден, Хорхе Родригез, пратеник и брат на Делси Родригез, изјави дека реформата на главниот закон за нафта, за која се очекува да се дискутира оваа недела, ќе се базира на моделот на партнерство воведен од Мадуро, но не даде детали.
Привремената претседателка претходно изјави дека владата ги поддржува промените во законите за јаглеводороди за поттикнување на странски инвестиции.
Сегашниот закон предвидува единствен модел на договор за заеднички вложувања контролирани од државната компанија PDVSA, но во последниве години тие воведоа таканаречени „договори за продуктивно учество“ за нови соработки, чии услови сè уште не се целосно откриени.