Велинова: Владата доцни со изградбата на гасоводите

ВМРО-ДПМНЕ денеска обвини дека владата доцни со гасификацијата на земјата, но затоа пак распишува матни тендери.

Елена Маркова Велинова од, ВМРО-ДПМНЕ на денешната прес конференција рече дека гасоводната линија Неготино – Битола требаше да биде завршена уште во февруари, а сега наместо уште да се работи, низ неа требаше да течат првите метри кубни гас.

– Ситуацијата е уште полоша со гасоводот Скопје-Тетово-Гостивар, кој требаше да биде завршен уште во декември 2019 година. Овој гасовод не само што не е завршен, туку фактичката состојба е дека ниту половина од работите не се завршени – рече Велинова.

Таа додаде дека СДСМ за повеќе од три години власт не изгради ниту 1 метар дистрибутивна мрежа во општините.

– Наместо денес секое домаќинство да ги ужива благодетите на природниот гас, СДСМ сѐ уште е во фаза на објавување на јавни повици за проектирање и изградба на дистрибутивната мрежа на природен гас. И што е најважно, сето тоа се правеше како предизборен маркетинг во февруари 2020 година – рече Велинова.

Таа смета дека СДСМ реаизирала  матни тендери наместо да се насочи на работа и целосна гасификација на земјава.