ВЕЌЕ СЕ ПРИЈАВИЛЕ 27.000 ЛИЦА Утре почнува бесплатната вакцинацијата против сезонски грип
Во текот на вчерашниот ден преку Мој Термин се испратени над 12.000 покани преку смс со известување за терминот и пунктот за вакцинирање, наведено е во соопштението.
Министерството за здравство информира дека од утре, среда, почнува бесплатната вакцинацијата против сезонски грип за ризичните групи население во Центрите за јавно здравје низ државата и нивните подрачни единици по градовите.
„Заинтересираните граѓани од ризичните групи можат да се пријават преку страницата vakcinacija.mk, а досега се веќе пријавени над 27.000 граѓани. Во текот на вчерашниот ден преку Мој Термин се испратени над 12.000 покани преку смс со известување за терминот и пунктот за вакцинирање. Потсетуваме дека бесплатната вакцинација против сезонски грип е незадолжителна, наменета за постари лица над 65 години, лица со хронични заболувања, здравствени работници, бремени жени, деца на возраст од 6 месеци до 5 години. Министерството испрати допис и до матичните лекари да им излезат во пресрет на заинтересираните граѓани да се пријават во системот за вакцинација“, се вели во соопштението.