Вдовицата на Коби Брајант бесна: Не ја избркав мајка ми од дома, таа лаже!

Мајката на Ванеса Брајант, Софија Лејн, во неодамнешното интервју го шокираше светот, тврдејќи дека нејзиниот однос со ќерката не само што драстично се променил, туку и дека Ванеса ја избркала од куќата.

Во интервјуто, Софија тврди дека Ванеса, по трагедијата што се случи на почетокот на годината, во која загинаа славниот кошаркар Коби Брајант и нивната ќерка Џиџи, ја принудила да се исели од семејната куќа, како и да го врати автомобилот што го користела.

– Таа само ми рече: „не те сакам во оваа куќа“, како и дека треба веднаш да ѝ го предадам и автомобилот – рекла Софија.

Ванеса бурно реагираше на ова интервју, велејќи дека нејзината мајка изнесува невистини.

„Откако ненадејно ги изгубив сопругот и ќерката, мајка ми се осмелува да зборува негативно за мене на телевизија додека пролева солзи околу автомобилот и куќата кои не беа на нејзино име“, пишува во долгото соопштение на Ванеса.

Таа тврди дека во ТВ-настапот, нејзината мајка намерно го тргнала накитот кој инаку го носи, и дека исценирала сè за да изгледа дека нема финансиска поддршка од неа.

„Мојот сопруг и јас ја поддржувавме финансиски во изминатите 20 години, и јас продолжувам да го правам тоа, со месечна алиментација што ја добива од мене“, навела Ванеса, оценувајќи ги зборовите и обвинувањата на нејзината мајка Софија „крајно болни“.

Ванеса рекла дека сега сфаќа што е важно за нејзината мајка и дека тоа страшно боли, но дека се надева дека Софија сега ќе престане да зборува за нивниот однос во јавноста.

ФОТО: Инстаграм