ВАКЦИНАТА НА МОДЕРНА ОДБИЕНА Не исполнува критериуми за трета доза
ФДА навела дека податоците за вакцината на Модерна покажале дека бустер дозата ги зголемува заштитните антитела, но дека разликата во нивото на антитела пред и по давање на третата доза не е доволно голема, особено кај лицата кај кои нивото на антитела останало високо, пренесува Ројтерс.
Научниците од Американската агенција за храна и лекови (ФДА) соопштиле дека Модерна не ги исполнила нивните критериуми за да се одобри употребата за бустер доза на антиковид вакцина.
ФДА навела дека податоците за вакцината на Модерна покажале дека бустер дозата ги зголемува заштитните антитела, но дека разликата во нивото на антитела пред и по давање на третата доза не е доволно голема, особено кај лицата кај кои нивото на антитела останало високо, пренесува Ројтерс.
ФДА вообичаено ги следи советите на своите експерти, но не е обврзана да ги послуша, пренесува Танјуг.
Група советници на Американскиот центар за превенција и контрола на болести ќе се состане идната недела за да разговараат за специфичните препораки за тоа кој може да прими бустер доза во САД, доколку ФДА одобри одредена вакцина.
Модерна бара авторизација за бустер дозата од 50 микрограми, што е половина од оригиналната доза на вакцината која се дава во растојание од четири недели.
Компанијата побарала од ФДА да и дозволи трета доза за лицата постари од 65 години, како и за имунокомпромитираните, нешто слично на авторизацијата која ја добила ривалската фармацевтска компанија Фајзер и нејзиниот партнер Бионтек.
Советниците на ФДА ќе разгледуваат и давање бустер доза за вакцината Џонсон и Џонсон во петокот, која се прима само во една доза.