ВАКА ЛИ МИСЛИТЕ ДА ДОЈДЕТЕ НА ВЛАСТ? Вчерашното дивеење е дел од смислено сценарио на СДСМ и на ДУИ
Дали навистина мислат ДУИ и СДСМ дека преку газење на македонското знаме, пукотници и блокирање на градови ќе дојдат на власт? Зошто се толку многу исплашени? Дали вака мислат дека ќе се спасат од соочување со правдата? Дали ДУИ и СДСМ поради тоа што се немоќни и немаат поддршка за протести решија на овој начин, преку етнички провокации да се наметнуваат во јавноста? ВМРО-ДПМНЕ остро и недвосмислено ги осудува сите инциденти во текот на вчерашниот ден, порача Бране Петрушевски од ВМРО-ДПМНЕ.
Вчерашното дивеење на неколку групи е дел од смислено сценарио на СДСМ и ДУИ за наметнување политички поделби и немири. Ова сценарио е за предизвикување етнички конфликти преку кои ДУИ и СДСМ би дошле на власт, изјави Бране Петрушевски од ВМРО-ДПМНЕ.
– Дали наместо протести кои ги најавуваше ДУИ добивме црно сценарио за провокации и етнички немири? Токму на ова предупредуваше и премиерот Христијан Мицкоски кога кажа дека има уфрлено групи за провокација кои се со тесни врски со политички центри. Дали навистина мислат ДУИ и СДСМ дека преку газење на македонското знаме, пукотници и блокирање на градови ќе дојдат на власт? Зошто се толку многу исплашени? Дали вака мислат дека ќе се спасат од соочување со правдата? Дали ДУИ и СДСМ поради тоа што се немоќни и немаат поддршка за протести решија на овој начин, преку етнички провокации да се наметнуваат во јавноста? ВМРО-ДПМНЕ остро и недвосмислено ги осудува сите инциденти во текот на вчерашниот ден. Бараме од органите на прогонот да покренат постапки и со најстроги мерки и одлуки да се пристапи кон примена на законот – рече Петрушевски.
ДУИ и СДСМ сеат семе на раздор, додаде тој.
– Тоа се антидржавни партии за кои партискиот и личниот интерес се над државниот. Ова беше црно сценарио за предизвикување етнички немири. Граѓаните да останат смирени и да покажат висока свесност за потребата да се игнорираат ваквите провидни црни сценарија – порача Петрушевски.