ВАКА КАДИРОВ ГО ОЖЕНИ СВОЈОТ СИН Свадбената поворка тајно снимена и покрај предупредувањето од полицијата (ВИДЕО)

Се ожени Ахмат Кадиров, 17-годишниот син на чеченскиот лидер Рамзан Кадиров. Неговата сопруга е наводно Тамила Махматова, но за невестата не се знае многу.

По повод венчавката, во главниот град на Чеченија, Грозни беше организирана раскошна прослава, а за свадбената поворка непречено да помине низ градот, улиците беа испразнети од жители. Исто така, никој не смеел да ја снима свадбената веселба.

Но сепак, на социјалните мрежи се појави видео на кое се гледа колона луксузни автомобили. За снимањето била потребна голема храброст, бидејќи пред свадбата полицајци ги посетуваа куќите и го предупредуваа населението за забраната.

Инаку, рускиот претседател Владимир Путин лично му ја честиташе венчавката на Ахмат Кадиров, едно од 14 деца на Кадиров.

Како што беше објавено во септември 2022 година, Сергеј Кравцов, рускиот министер за образование, ја поддржа иницијативата за именување на тогаш 16-годишниот Ахмат Кадиров за претседател на советот за деца и млади „Движење на првиот“. Министерот Кравцов тогаш ветил дека на секој можен начин ќе го поддржи Кадиров помладиот.

По назначувањето, Ахмат се сретна и со Путин, за што објави на неговиот канал на Телеграм.

„Тоа беше неофицијална средба на која внукот на првиот претседател на Чеченија разговараше со Путин за политиката кон младите во тој регион“, се наведува во изданието.

На крајот од средбата Путин му честиташе на Кадиров за претстојната венчавка.

Патем, во Северен Кавказ сè уште постои обичај да се венчаат многу млади. Иако малолетниците не можат да стапат во брак според руските прописи, локалните власти можат да одобруваат бракови уште на 16 години. Но, во Чеченија сè уште има случаи на брак на 14-годишна возраст.

The Chechen opposition media outlet “1ADAT” published a video of the wedding motorcade of Ramzan Kadyrov’s eldest son, 17-year-old Akhmat.

Local residents were not allowed to film the motorcade. Before the wedding, law enforcers went around roadside houses warning of the ban. pic.twitter.com/P1x76Vqw0M

— NEXTA (@nexta_tv) March 6, 2023