ЈУЖНА КОРЕЈА МЕНУВА РАБОТНИЦИ…ЗА РОБОТИ Подобро машина, отколку да платиш казна за повреден работник

Во Јужна Кореја во јануари беше усвоен Закон за работни односи, со којшто им се дозволува на судовите да ги казнуваат директорите или високите менаџери на компании доколку работниците бидат повредени или убиени на работа. Новиот Закон предвидува и затворски казни, па ги принуди компаниите да вложуваат во роботи и да ги заменуваат луѓето со нив.

– Низ нашата историја, секогаш наоѓавме начини да останеме во чекор. Автоматизацијата е следниот потфат во тој процес – изјави Ким Јонг-рае, извршен директор на компанијата „Спифокс“.

Земјата во моментов има 932 роботи на секои 10.000 работници, што е најмногу во светот.

TIL that “robot density” is the measure of robots per 10,000 human workers@borowiecsteven explains how new regulations meant to protect workers in South Korea are actually pushing factories to replace them with robots. @restofworld https://t.co/a5MsP30uXW pic.twitter.com/0pe3V1YY1d

— Cengiz (@CengizYar) June 13, 2022

Според бизнисмените, компаниите се движат кон намалување на луѓето работници и постои неподготвеност да влезат во проекти со висок ризик. Компаниите сега, поради новиот закон, бараат начин да имаат што помалку работници или воопшто да немаат човечки кадар во погоните.

– Законот е огромен проблем во бизнисот. За наша среќа, веќе сме во процес на автоматизација, па бевме подготвени на новиот Закон – додаде Ким Хјо-џин, директорка на „Спифокс“ и ќерка на Јонг-рае.

Законот првично беше претставен како голем чекор во борбата за правата на работниците, но компаниите, главно фабрики и градежни компании, не се согласуваат, тврдејќи дека префрлањето на одговорноста на водачите е неправедно и нејасно. Се наведува дека јужнокорејските фабрики имаат недоволно висок степен на безбедност, што според многумина, е сосем неразбирливо, бидејќи се работи за технолошки напредна земја.