ЈУВЕНТУС ЈА ТАРГЕТИРА МАКЕДОНСКАТА ФУДБАЛЕРКА МЕЛАНИЈА ГРОЗДАНОВА Оваа сезона таа блеска во дресот на ФК Љуботен
На последните два меча против силната Русија, настапи како стартер во двете средби, покажувајќи не само храброст, туку и зрелина и мирнотија кои ретко се гледаат кај тинејџерка. Во очите на селекторите и соиграчите, таа веќе е играч од кој тимот очекува разлика
Италијанскиот гигант Јувентус покажа силен и конкретен интерес за 16-годишната северно-македонска талент Меланија Грозданова. Крилниот напаѓач е веќе сениорски репрезентативец и импресионираше со Љуботен по пробивот минатата сезона во Истатов.
Ова ексклузивно го објави новинарот Руди Галети, што веднаш предизвика огромно внимание во фудбалските кругови.
🚨🔥 EXCL | Juventus have shown a strong and concrete interest in 16yo North Macedonian talent Melanija Grozdanova. 🇲🇰
The winger is already a senior international and has impressed with Ljuboten after last season’s breakthrough at Istatov.
🔗 More ▶️ https://t.co/6MRaPS6iiZ pic.twitter.com/2ORREbr8rI
— Rudy Galetti (@RudyGaletti) December 7, 2025
Иако делува неверојатно за играчка на нејзина возраст, Меланија веќе ги игра најтешките минути на највисоко репрезентативно ниво. На последните два меча против силната Русија, настапи како стартер во двете средби, покажувајќи не само храброст, туку и зрелина и мирнотија кои ретко се гледаат кај тинејџерка. Во очите на селекторите и соиграчите, таа веќе е играч од кој тимот очекува разлика
Оваа сезона блеска во дресот на Љуботен, каде што постигна 8голови, покажувајќи неверојатна напаѓачка моќ и зрела игра која ретко се гледа кај толку млад фудбалер. Минатата сезона, во дресот на Истатов, постигна 12 погодоци – уште тогаш беше јасно дека станува збор за играчка со посебна дарба.
Грозданова е крило со експлозивен прв чекор, самоуверена уметност во еден-на-еден ситуации и физичка подготвеност која многумина веќе ја споредуваат со легендарниот Кристијано Роналдо – од стилот на игра до препознатливата прослава на голови.
Меланија оваа есен ја предводеше македонската U19 репрезентација до влез во А-дивизијата на завршните квалификации за Европското првенство, подвиг што ретко кој го очекуваше. Токму затоа многумина ја сметаат за најголемиот фудбалски талент што Македонија некогаш го имала.
Меланија е веќе денес една од најдобрите европски фудбалерки во својата генерација.