ДВЕ ЕКСПЛОЗИИ ВО СВЕТИОТ ГРАД НА ИЗРАЕЛ 14 лица ранети на автобуски постојки од бомби поставени во торби

Најмалку 14 лица се ранети утринава во две експлозии што во период од половина час одекнаа на две автобуски постојки во близина на влезот во Ерусалим, соопштија полицијата и јавните здравствени служби. Полицијата се сомнева дека се работи за напад на Палестинци. Две од повредените лица во експлозиите се во критична состојба, посочува „Тајмс оф Израел”.

Првата експлозија се случила во близина на главниот влез во Ерусалим, изутринава нешто по седум часот по локално време. Во таа експлозија се повредени 11 лица, а ранетите се префрлени во блиските болници, информираат здравствените власти.

🔴 BREAKING: Bombing attack in the Capital of Israel – Jerusalem.

Two bombs exploded in Jerusalem – one near the Central Bus Station and the second in Ramot. There are at least 18 people injured. Please keep Jerusalem in your prayers. pic.twitter.com/94N9v3e8Sv

— Hananya Naftali (@HananyaNaftali) November 23, 2022

Половина час подоцна уште една експлозија одекна на вториот влез во Ерусалим. Според здравствените власти, три лица биле полесно повредени од шрапнели. Медиумите јавуваат дека постои најверојатно експлозиите биле предизвикани од детонација на бомба оставена во торба.

Terrorists conducted two bomb attacks at bus stops in Jerusalem this morning. Approximately 13 injured, 2 critically. Here is the first of the bombs. pic.twitter.com/HVQAqajgD2

— Mike (@Doranimated) November 23, 2022

Полицијата соопшти дека истрагата е во тек, како и дека покрената е потрага по осомничени.

Претходно палестинските власти претходно објавија дека 16-годишен Палестинец бил застрелан и убиен во градот Наблус на Западниот Брег на реката Јордан. Израелската војска потврди дека дејствувала во Наблус, со образложение дека одговорила на огнот, но не ја потврди информацијата за убиството на малолетникот.