УТРЕ ПОЧНУВА СКРИНИНГОТ ВО СРЕДНИТЕ УЧИЛИШТА Ќе се тестираат 258 ученици

Скринингот на учениците во 9 средни училишта во Скопје ќе започне утре. Во план е во текот на утрешниот ден да се тестираат 258 средношколци, а  низ државата продолжува во Кривогаштани, Берово, Вевчани, Дебарца, Демир Капија, Дојран, Зрновци, Конче, Лозово, Могила, Новаци, Пехчево, Старо Нагоричане и Центар Жупа, информира Министерството за здравство.

Тестирањето на учениците ќе се спроведува во просторија одредена од страна на училиштето, а тестирањето ќе трае помалку од една минута. Истото е безболно и безбедно, со земање на брис од грло и од носна шуплина.

– Целта на скринингот е рано детектирање и евентуално пронаоѓање на асимптоматски носители на вирусот ковид 19 помеѓу учениците. Со релевантните податоци ќе се добие целосна слика на трансмисија на вирусот во училиштата, во интерес на децата- велат од Здравство.

Министерството за здравство апелира на безрезервна поддршка од страна на родителите при давање на потребната согласност.

– Скринигот ќе обезбеди безбедно одвивање на наставата и заштита на здравјето на децата – велат од Министерството за здравство.