УТРЕ ПАК ЌЕ ГО БАРААТ Прекината потрагата по исчезнатото лице во Вардар
Тимот нуркачи на МВР од Специјалната антитерористичка единица Тигар поради временските услови попладнево ја прекина потрагата по лицето кое утрово скокна во водите на реката Вардар.
Како што соопшти Центарот за управување со кризи (ЦУК), потрагата ќе продолжи рано наутро заедно со тимови на Црвениот крст и Дирекцијата за заштита и спасување.
Можеби ќе ве интересира
Од ЦУК информираат дека денеска е пребаран потегот од мостот Близнак до Железничкиот мост и уште три километри во правец кон селото Долно Лисиче.
Во текот на денот од дежурниот оперативен центар на ЦУК е остварена комуникација и координација со Генералниот секретар на Црвениот крст на Град Скопје и договорено е Црвениот Крст во текот на утрешниот ден, рано наутро да испрати свои тимови, најверојатно два тима, со опрема и возила за да вршат пребарување на теренот по течението на реката Вардар, лево и десно низводно долж речното корито.