УСЛОВНА ЗА СТРУШКИОТ ГИНЕКОЛОГ Породувал жени на „црно“

Струшкиот основен суд му изрече условна казна на гинекологот Мухамед Асани за давање здравствени услуги во нелегална ординација во неговата куќа, меѓу кои и на родилката Јалдз Веапоска, која подоцна остана без органи.

Гинекологот не смее да направи ново кривично дело во наредните четири години, во спротивно, ќе треба да лежи затвор од две години.

Со оваа пресуда не му е изречена забрана за вршење дејност.

Ова е исходот од првата кривична пријава која ја поднесе Државниот санитарен и здравствен инспекторат.

Констатирано беше дека гинекологот Асани имал комплетна ординација, која не била регистрирана и ДЗСИ поднесе кривична пријава.

Мухамед Асани беше директор на струшката болница. По јавното обелоденување на случајот со Ваепоска, тој беше разрешен.