УРОШ ПУКАЛ НА ТРИ РАЗЛИЧНИ МЕСТА, БЕГАЈЌИ СЕ ЗАКАНУВАЛ СО БОМБА? Можна реконструкција на масакрот открива нови детали

Осамна првата фотографија од уапсениот напаѓач Урош Б. кој, според последните информации, синоќа со автоматска пушка застрела осум лица и рани 14, а седум од нив се во критична состојба. Речиси 600 полицајци синоќа и утрово го бараа напаѓачот кој од местото Дубона се упатил кон Крагуевац, а сега е познато и што се случувало по патот.

Му извадил бомба на таксистот и му се заканил?

Според кажувањата на жители од Крагуевац, Урош се упатил кон градот затоа што таму живеела неговата мајка. Тој беше уапсен во гратчето Грошница, а според неофицијални информации за побрзо да стигне до Крагуевац Урош киднапирал таксист на кого му се заканил дека ќе го разнесе со бомба која, наводно, ја извадил пред него.

Таксистот го возел од Дубона, каде се случи масакрот, до селото Вињиште, каде според српски Пинк, тој привремено се сокрил кај свои роднини.

Пукал на три различни места, се возел со автомобил?

Стигнаа и неофицијални информации за тоа како се случил масакрот. Урош прво застанал на отворено место неколку километри пред школото, излегол од автомобилот и веднаш истрелал рафал. Се вели дека тој пукал кон луѓе кои седеле околу логорски оган на излет.

Потоа продолжил и на неколку километри од местото излегол oд автомобилот и пукал кон четири лица кои ја поправале капијата во дворот. Официјалната приказна вели дека тој имал расправија со луѓето во дворот на училиштето.

Потоа се упатил кон центарот на селото Дубона и повторно пукал, убил две лица, еден полицаец кој не бил на должност и неговата сестра.

Му рекол што правиш, а тој извадил калашников од колата

Изјава за Блиц даде дедото на полицаецот и неговата сестра.

– Таму седеа и разговараа, тој им пријде и ги застрела од ведро небо. Ми ги уби внукот и внуката – изјави дедото на убиениот полицаец.

– Ни кажаа дека биле застрелани, кога отидовме таму беа мртви, покриени. Се собра народот, почна да плаче. Што да кажам повеќе – вели тој.

Дедото рекол дека неговиот внук не се дружел со убиецот Урош Б. затоа што, според него, бил „пропалица“.

– (Внукот и внуката) седеле и разговарале, тој им пришол… Некој (на Урош) му рекол „што правиш?“, а тој од колата извадил калашников и почнал да пука. Соседот кој бил таму со нив, бил ранет и починал во болница. Уште една девојка е ранета, но таа е жива – наведува соговорникот, додавајќи дека неговиот внук и внуката биле застрелани во задниот дел од главата и дека тој не ги видел.

Урош потоа побегнал, а почнала потрагата по него.

Познато е дека во викендицата што ја користел убиецот било пронајдено поголемо количество оружје и муниција и сето тоа било одземено. Полицијата беше на секоја улица и уличка во овој крај.

Во градовите Дубона и Мали Орашје, на Шепшин не му било дозволено да излезе, а полицијата ги проверувала сите напуштени куќи и скриени места за да го пронајде убиецот кој бил пронајден во околината на Крагуевац.

При бегството менувал автомобили?

Полицаецот М.П.(22) и неговата сестра К.П.(19) и Д.Т.(25) се убиени во Дубона кај Младеновац . На друга територија кај Смедерево загинале М.М.(18), Н.С.(21), Л.М.(20), Н.М.(15) и А.М.(18).

Засега не се знае мотивот за масакрот, убиецот има досие за кражба и напад на службено лице и прекршочна пријава според Законот за оружје.

Се сомнева дека при бегството менувал автомобили. Блажиќ е син на воен и досега не е осуден. Истрагата ја води Вишото јавно обвинителство во Белград.