ЉУПЧО НИКОЛОВСКИ СПИЕЛ ПО ЛУКСУЗНИ ХОТЕЛИ ЗА 500 ЕВРА ОД ВЕЧЕР Поранешниот министер за земјоделство патувал со стил, рече Петрушевски
Љупчо Дон Николовски кога престојувал во странство, веројатно сакал да престојува и патува со стил. Со народни пари плаќал скапи хотели и по неколку стотина евра од вечер. Сѐ е полесно кога си министер од СДСМ, пред камери зборуваш за народот и социјална правда, а зад камери јадеш скапи јадења со државни пари и спиеш по хотели со пет звезди кои чинат неколку стотина евра за вечер, изјави Бране Петрушевски од ВМРО-ДПМНЕ.
Љупчо Николовски наместо за земјоделците се борел за себе. Наместо да планира како да ги подобри условите во земјоделието, да најде пласман и да помогне на 100.000 земјоделци, тој мислел како и каде следно да патува, и колку поскап хотел да плати, обвини денеска Бране Петрушевски од ВМРО-ДПМНЕ.
– Љупчо Дон Николовски кога престојувал во странство, веројатно сакал да престојува и патува со стил. Со народни пари плаќал скапи хотели и по неколку стотина евра од вечер. Сѐ е полесно кога си министер од СДСМ, пред камери зборуваш за народот и социјална правда, а зад камери јадеш скапи јадења со државни пари и спиеш по хотели со пет звезди кои чинат неколку стотина евра за вечер. Љупчо Дон Николовски за 6 ноќевања во САД потрошил 2.850 евра само за хотели. Љупчо Дон Николовски плаќал хотелска соба по 500 евра во Њу Јорк и Вермонт, а 450 евра во Чикаго. Во Италија, во Рим, Дон Николовски плаќал 300 евра за хотел од вечер. По примерот на Бисера Антоанета и Дон Николовски се луксузирал во Виена, за две ноќевања со државни пари се платени 670 евра. И кога патувал во соседството, како во Бугарија, Дон Николовски исто патувал луксузно, за хотел во Софија за една ноќ платил 150 евра. Ова се министрите од СДСМ. Ова е Дон Николовски кој имаше десетици милиони неисплатени субвенции. Заради ова велиме дека државата е ограбена – рече Петрушевски.