ЈУНАЈТЕД ГО ШУТНА РОНАЛДО ПРЕКУ СООПШТЕНИЕ Кристијано не е повеќе „црвен ѓавол“

Еден од најдобрите фудбалери на денешницата, Кристијано Роналдо, дочека да биде отпуштен од работа по своето интервју преку кое што го критикуваше тренерот Тен Хаг, а го критикуваше и својот клуб Манчестер Јунајтед.

Таквите тешки зборови, очигледно, некој не можеше да му ги прости. Манчестер Јунајтед како клуб вечерва извести за неизбежното, односно соопшти дека Роналдо веќе нема никаква врска со „црвените ѓаволи“.

Со кратко соопштение, Јунајтед информираше дека двете страни спогодбено се договориле за предвремен раскин на договорот, кој стапува на сила веднаш.

„Кристијано Роналдо ќе си замине од Манчестер Јунајтед со моментален ефект откако двете страни постигнаа взаемен договор за тоа. Клубот му се заблагодарува за неговиот огромен придонес во двата периоди на Олд Трафорд, постигнувајќи 145 гола во 346 натпревари, и му посакува само добро на него и на неговото семејство во иднина. Сите во Манчестер Јунајтед остануваат фокусирани на продолжување на напредокот на тимот под водство на Ерик тен Хаг, но и на работата заедно да постигнеме успех на теренот“, гласи соопштението.

Ова значи дека Роналдо автоматски станува слободен агент, па ќе може да си направи слободен трансфер во јануарскиот преоден рок.

Cristiano Ronaldo is to leave Manchester United by mutual agreement, with immediate effect.

The club thanks him for his immense contribution across two spells at Old Trafford.#MUFC

— Manchester United (@ManUtd) November 22, 2022