УКРАИНЦИТЕ МУ ВЕРУВААТ НА ЗЕЛЕНСКИ Две третини сметаат дека треба да остане претседател до крајот на вонредната состојба
Огромното мнозинство Украинци не го доведуваат во прашање легитимитетот на претседателот - се наведува во извештајот од истражувањето на Меѓународниот институт за социологија во Киев.
Две третини од Украинците сметаат дека Володимир Зеленски треба да остане претседател до крајот на вонредната состојба, покажуваат резултатите од истражувањето на Меѓународниот институт за социологија во Киев (КМИС), спроведено како дел од проектот „Мобилизирај“, на крајот на мај.
Можеби ќе ве интересира
Во извештајот се наведува дека 70% од испитаниците сметаат дека Зеленски треба да остане на чело на државата до крајот на вонредната состојба, додека 22% се изјасниле против.
„Во зависност од регионот на живеење, со ова се согласуваат 65-74% од испитаниците, односно огромното мнозинство Украинци не го доведуваат во прашање легитимитетот на претседателот“ – се наведува во извештајот, пренесува Укринформ.