УКРАИНЦИТЕ ЛИКВИДИРАЛЕ ВИСОК РУСКИ ГЕНЕРАЛ? Боташев не успеал да се катапултира од авионот
Ова е моментално петтиот голем руски генерал кој го загуби животот од почетокот на војната во Украина на 24 февруари.
Канамат Боташев, пензиониран генерал на руските воздухопловни сили, загина откако неговиот авион беше соборен во воздушниот простор на Украина, тврди Би-Би-Си Русија. Информацијата која се рашири по социјалните мрежи уште не е потврдена од западните медиуми. „Боташев е највисоко рангираниот пилот убиен во Украина“, пишува Киев Индепендент на Твитер споделувајќи ја оваа гласина.
⚡️BBC Russia: Retired Russian general killed in Ukraine’s airspace.
Major General Kanamat Botashev has been shot down while flying over Luhansk Oblast, BBC Russia reported. Botashev is reportedly the highest-ranking Russian pilot killed in Ukraine.
— The Kyiv Independent (@KyivIndependent) May 24, 2022
Генералштабот на Украина соопшти дека рускиот борбен авион „Сухој“ бил соборен над Луганската област и пилотот не успеал да се катапултира од авионот.
Да потсетиме, ова е моментално петтиот голем руски генерал кој го загуби животот од почетокот на војната во Украина на 24 февруари. Прво беше убиен високиот руски генерал Андреј Суховецки (47), потоа генералот Виталиј Герасимов беше убиен во близина на Харков, следен од генерал-мајор Андреј Колесников од 29-та комбинирана армија и на крајот заменик-командантот на 8-та армија, генерал-мајор Владимир Петрович Фролов.