📽️ УКРАИНА УПОТРЕБИЛА „ДОЛГ НЕПТУН“ И „ФЛАМИНГО“ Колкав дострел имаат новите оружја на Киев?

Украинските сили ноќта по рускиот напад врз Киев, 14 ноември, употребиле ракета „Долг Нептун“ за удари на цели во Русија, потврди претседателот Володимир Зеленски, нарекувајќи го тоа „оправдан одговор на постојаниот терор“.

„Долг Нептун“ е надградба на познатата ракета „Нептун“, која во 2022 година потопи руски воен брод во Црното Море. Новата верзија, според достапните податоци, има дострел до 1.000 километри, што е речиси двојно повеќе од оригиналот.

За споредба, американскиот „Томахавк“ достигнува над 1.600 километри, а може да лета и на многу ниска висина со прецизност од неколку метри.

Украина не ги доби ракетите „Томахавк“ од САД иако долго време ги бараше.

 

The launch of 🇺🇦-made “Long Neptune”

📹: @ZelenskyyUa pic.twitter.com/8EM3kQYLKg

— Defense of Ukraine (@DefenceU) November 14, 2025

Интересен факт за „Долг Нептун“ е дека користи домашен навигациски систем и не зависи целосно од сателитска поддршка, што му овозможува флексибилност во услови на електронско војување.

Според објавите на социјалните мрежи, Украина ги употреби ракетите во нападот во Новосиријск на руска територија.

 

❗️Novorossiysk was targeted by “Long Neptune” cruise missiles.

Zelenskyy: Tonight our warriors successfully used “Long Neptunes” on designated targets on Russian territory… Ukrainian missiles are giving more tangible and accurate results every month. https://t.co/32tGU74Vpw pic.twitter.com/W1tX9v37iE

— Special Kherson Cat 🐈🇺🇦 (@bayraktar_1love) November 14, 2025

Аналитичарите забележуваат дека тоа е прв украински проект кој по своја филозофија се доближува до западните стандарди, иако сè уште не достигнува оперативната зрелост на „Томахавк“.

Исто така, после ноќта на 13 ноември, украинското Генералштаб соопшти дека се лансирани повеќе долгопојасни ракети „Фламинго“, но не беа дадени детали за денешните цели или број на ракети.

„Фламинго“ е нов украински проект за крстосувачка ракета со долг дострел, развиен како полесна и побрза алтернатива на „Долг Нептун“. Таа е дизајнирана да погодува цели на растојание до 500 километри, со способност за маневар и нисколетно приближување за избегнување на радарски системи.

Русија на 14 ноември изврши напади врз Киев, Харков. Се стега и обрачот околу Покровск. Украина останува под постојан притисок. Москва користеше дронови и балистички ракети, а најмалку четири лица загинаа во Киев, кој е во мрак.

Дел од Харков остана без струја, соопштија регионалните и градските власти. Русите бкорителе бомби со наведување.

Според градоначалникот на вториот по големина град во Украина, четири лица се повредени, а најмалку 12 приватни автомобили се оштетени. Целите на нападот биле областите Слободски и Салтивски, каде што избувнал голем пожар како резултат на ударот.

„Имаме информации дека е погодена територијата на медицинска установа, една од комуналните згради претходно била уништена“, рече Терехов.