📽📷 УКРАИНА РАЗНЕСЕ РУСКИ БРОД СО ИРАНСКИ ДЕЛОВИ ЗА „ШАХЕД“ Рафинерија под оган, Киев сѐ поинтензивно ја напаѓа енергетската инфраструктура на Кремљ

Украинските сили го нападнаа пристаништето Оља во руската Астраханска област, погодувајќи брод натоварен со компоненти за дронови „Шахед“ и со муниција од Иран, според петочниот извештај на Генералштабот, објави Киев пост.

Во соопштението се наведува дека Специјалните операции (ССО), во координација со други единици на Одбранбените сили, на 14 август, в четврток, го таргетирале пристаништето за да ја намалат способноста на Русија да изведува воздушни напади.

❗️The General Staff of 🇺🇦Ukraine reports that on August 14, the ship “🇷🇺Port Olya 4”, loaded with components for the “Shahed” type UAV and ammunition from 🇮🇷Iran, was attacked in the seaport of Olya (Astrakhan region of the Russian Federation). pic.twitter.com/ejfbqRjylz

— 🪖MilitaryNewsUA🇺🇦 (@front_ukrainian) August 15, 2025

Оља служи како клучен логистички центар за увоз на воена опрема од Иран. Погодениот брод бил „Порт Оља 4“ (Port Olya 4) за кој се тврди дека превезувал делови за беспилотни летала и муниција. Проценката на штетата е во тек.

💥 Ukrainian forces hit deep inside Russia: Multiple strikes reported at the Syzran oil refinery in Samara region.

In a separate attack, Ukrainian units targeted the port of Olya in Astrakhan region, hitting a vessel loaded with Shahed drone components and Iranian-made… pic.twitter.com/s5NIGWtWjY

— AnatolijUkraine (@AnatoliUkraine) August 15, 2025

Во меѓувреме, се сомнева дека рано наутро, денеска, украински дронови нападнале рафинерија за нафта во Сизран, Самарска област.

Становници пријавиле дека слушнале до 10 експлозии околу 4 часот. Неколку канали на Телеграм споделија снимки и фотографии на кои се гледаат пожари блиску до објектот, иако руските власти сè уште немаат потврдено каква било штета.

Русија тврди дека соборила 53 украински дронови

Руското Министерство за одбрана тврдеше на Телеграм дека неговата противвоздушна одбрана пресретнала 53 украински дронови во текот на ноќта, вклучувајќи:

• 13 над Курска област;
• 11 над Ростовска област;
• 7 над Самарска област;
• 6 над Белгородска област;
• 5 над Орловска област;
• 4 над Брјанска и Воронежска област;
• 1 над Саратовска област, Калмикија и Азовското Море.

Украинските сили погодија низа големи нафтени и гасни објекти во Русија во последните 5 дена, нанесувајќи нови удари врз енергетската инфраструктура и врз воените линии на комуникација, односно логистичките рути.

Во раните утрински часови во четвртокот украински дронови ја нападнаа рафинеријата „Лукоил-Волгограднефтепереработка“ во Волгоградска област, предизвикувајќи голем пожар.

Гувернерот Андреј Бочаров рече дека паднати остатоци од соборени дронови предизвикале запалување на нафтени производи, но дека нема жртви.

Објектот, најголем во Јужниот федерален округ на Русија, преработува околу 5,6% од суровата нафта во земјата и произведува дизел, бензин и авионско гориво за војската.

Генералштабот на Украина го потврди нападот, наведувајќи дека ударот го извршиле единици од Силите за беспилотни системи и военото разузнавање (ГУР). Сателитите на НАСА откриле пожар од големи размери.

Енергетската инфраструктура е под удар

Еден ден претходно, во средата, украински камиказе-дронови ја погодија пумпната станица за нафта Унеча во Брјанска област – најголемиот центар на 9.000 километарската мрежа на нафтоводот „Дружба“. Според извори од ГУР, објектот е клучен за снабдување на рускиот воено-индустриски комплекс.

На 10 август, ГУР ја нападна и рафинеријата „Лукоил-Ухтанефтепереработка“ во Република Коми, повеќе од 2.000 километри од украинската граница.

Киев не го откри целосниот обем на штетата, но официјални лица велат дека ваквите операции имаат за цел да ја поткопаат руската производство на гориво и нејзиниот воен потенцијал.

ИСТОРИСКА СРЕДБА КОЈА ЈА ЧЕКА ЦЕЛИОТ СВЕТ Трамп и Путин одлучуваат за Украина