УКРАИНА И МОЛДАВИЈА ПОЧНУВААТ ПРЕГОВОРИ ЗА ЧЛЕНСТВО ВО ЕУ Грузија доби статус на земја кандидат
Препораката од Европската комисија за почеток на преговорите со Украина и со Молдавија за пристапување во ЕУ се толкува како важна пресвртница и геополитички гамбит за Западот.
Европската комисија денеска излезе со препораката за почеток на преговорите со Украина и Молдавија за пристапување во ЕУ, а Грузија да добие статус на земја кандидат за членство, јавија светските агенции.
Можеби ќе ве интересира
Комисијата, меѓутоа, како услов за официјален почеток на преговорите со Украина и Молдавија постави исполнување на голем број критериуми, вклучувајќи и во областа на борбата против корупцијата.
Британските медиуми препораката ја опишуваат како важна пресвртница на патот на Украина кон интеграција во западниот блок и истовремено како геополитички гамбит за Западот, бидејќи оваа поранешна советска република веќе речиси две години е во војна со соседна Русија, која ја нападна на 24 февруари минатата година.