ЃУКАНОВИЌ ПОЗИТИВЕН НА КОРОНАВИРУС Контактирал со заразен
Црногорскиот претседател вчера ги откажа сите службени обврски, а во јавните настапи ги почитуваше мерките за сузбивање на коронавирусот, носеше маска и држеше на дистанца.
Претседателот на Црна Гора, Мило Ѓукановиќ, е позитивен на коронавирусот, откако, како што претходно беше соопштено, имал контакт со лице позитивно на ковид-19.
„Претседателот има благи симптоми и се чувствува добро. Согласно епидемиолошките мерки се наоѓа во самоизолација, од каде ќе ги извршува редовните претседателски обврски“, соопштија синоќа од кабинетот на Ѓукановиќ.
Можеби ќе ве интересира
Тој вчера ги откажа сите службени обврски, а во јавните настапи ги почитуваше мерките за сузбивање на коронавирусот, носеше маска и држеше на дистанца.
Како што претходно беше соопштено од Кабинетот, Ѓукановиќ е вакциниран против коронавирусот.