УБИСТВОТО НА ХАЛИНА ХАЧИНС НЕ БИЛО СЛУЧАЈНО? Алек Болдвин бил „жртвено јагне“
Братот на Алек Болдвин, Даниел, гостувајќи во емисијата „The Domenick Nati Show“ ја изнел својата теорија за инцидентот.
Цел свет го потресе информацијата дека актерот Алек Болдвин на снимањето на филмот „Рѓа“ пукал и ја усмртил директорката на фотографија Халина Хачинс.
Од трагедијата помина еден месец, а уште никој официјално не е прогласен за виновен.
Братот на Алек Болдвин, Даниел, гостувајќи во емисијата „The Domenick Nati Show“ ја изнел својата теорија за инцидентот. Имено, Даниел истакнал дека неговиот брат не би требало да ја преземе вината за убиството на Халина Хачинс, пренесува „ЛА тајмс“.
„Алек е жртвено јагне. Големите ѕвезди со изразени политички ставови се лесна мета“, рекол Даниел Болдвин и додал:
„Ова не е ништо друго туку последица на неговата доследност и цврсти ставови за одредени работи. Луѓето кои не го сакаат ќе го искористат, ќе ја прогонуваат неговата сопруга… Тој е мета“.
Иако Даниел не сакал да прецизира за какви политички ставови се работи, не е тајна дека Алек Болдвин не го симпатизираше поранешниот претседател на САД, Доналд Трамп и често го имитираше во шоу-програмата „Сабота вечер во живо“, односно дека во тоа време отворено го поддржуваше Барак Обама.
Да потсетиме, еден од првите кои јавно го впери прстот во Алек Болдвин беше Доналд Трамп помладиот, кој продава маици со натписот „Пиштолите не убиваат луѓе, Алек Болдвин ги убива“.
Иако се чини дека постапките на синот на Трамп одат во прилог на теоријата на Даниел за „жртвено јагне“, обвинителката која го истражува инцидентот во Ново Мексико, Мери Карман Алтвајас, е демократка.
View this post on Instagram