УБИЈЦИ НА ДЕЦА, СОНК УБИЈЦИ Вандализирана градинка во Ѓорче Петров (ФОТО)
На објавените фотографии може да се забележи дека на ѕидовите на градинката осамнале графити, со пораки наменети за Синдикатот на образованието, науката и културата (СОНК), во чија организација се одржува актуелниот штрајк во училиштата и во градинките.
Градоначалникот на Општина Ѓорче Петров, Александар Стојкоски ја информира јавноста дека непознати сторители ја вандализирале градинката Росица, во урбаната заедница Мирче Ацев.
На објавените фотографии може да се забележи дека на ѕидовите на градинката осамнале графити, со пораки наменети за Синдикатот на образованието, науката и културата (СОНК), во чија организација се одржува актуелниот штрајк во училиштата и во градинките.
„Досега невиден акт на вандализам. Вандализиран е објектот на детската градинка Росица, клон Детелинка, во УЗ Мирче Ацев. Пријавено е до надлежните институции и го повикувам Министерство за внатрешни работи / Мinistria e Punëve të Brendshme во најбрз можен рок да ги пронајде сторителите и соодветно да ги санкционира“, напиша на Фејсбук градоначалникот Стојкоски.